Samstag - 16. November 2019 - 21:00

BURGER

Mundartsingersongwriterband

Mir sy e Bänd. Mir spiele Lieder, wo mir sälber mache. Das heisst, der Burger macht se. Das heisst, är macht se eigentlich nid, si wärde gebore. Zwar nid vo sälber, mi mues scho öppis derzue tue, aber mängisch chöme si halt eifach eso use, wi sie wei. Aber das isch mängisch gar nid so schlächt.

Item, mir spiele also die Lieder u sy druff u drann, üse eiget Stil z’finde – bis wieder eine seit: «Das tönt ja grad wie …» U de merke mir, dass mir halt echly beyflusst wärde… Dir merket sälber, vo wäm öppe so.
Teil finde o, mir heige wahnsinnig nachdänklichi Lieder, fasch echly truurigi! Vilich hei sie ja Rächt, aber äbe, die chöme eso uf d’Wält wi sie wei u mir löh ne die Freiheit. Also, es paar fröhlichi hei mir o zur Abwächslig… D’Houptsach: Üs gfalle si.

Samuel Burger (Gsang, Gitarre)
Alex von Kiparski (Gitarre)
Stefan Küttel (Bass)
Armand Glauser (Schlagzüg)